ერთად აურიეთ ფქვილი, შაქარი (თუ ყავისფერი შაქარი არ გაქვთ, მთლიანად თეთრი შაქარი შეგიძლიათ გამოიყენოთ), მარილი, სოდა, საფუარი და დარიჩინი ისე, რომ თანაბრად განაწილდეს ყველა ინგრედიენტი.

ცალკე ჯამში აურიეთ კვერცხი, მაწონი, ზეთი და ვანილი. შემდეგ თანდათან შეურიეთ ფქვილის მასა. ცალკე გასრისეთ ბანანი. ასევე, პატარა კუბიკებად დაჭერით შავი შოკოლადი. შეურიეთ ცომს ბანანი და შოკოლადის ნატეხები, კარგად მოურიეთ და გააჩერეთ 5 წუთი.

ღუმელი გაახურეთ 180 C- მდე. მაფინის ფორმებს წაუსვით ცხიმი ან ჩააფინეთ მაფინის ქაღალდები. ფორმა გაავსეთ 2/3-მდე. ღუმელში გამოაცხვეთ 25 წუთის მანძილზე. ღუმელიდან რომ გამოიღებთ, გააგრილეთ და ისე მიირთვით.