რეცეპტი გათვლილია 4 ბრუსკეტისთვის
პამიდორი - 2 -3 ც. საშუალო ზომის
ხახვი - პატარა თავი
ორეგანო - 1 1/2 ჩ. კ.
მარილი, პილპილი
ნიორი - 1 კბილი
რეჰანი - რამდენიმე ფოთოლი ( არ არის სავალდებულო)
ზეითუნის ზეთი (გაუფილტრავი - “extra virgin”)
მომზადება
გრილის ტაფა დადგით მაღალ ცეცხლზე და გახურების შემდეგ დააწყვეთ დაჭრილი პურის ნაჭრები - საშუალოდ, 2 წუთი ერთ მხარეს, 2 წუთი მეორე მხარეს.
პური ასევე შეგიძლიათ გახუხოთ ღუმელში ან ტოსტერში.
მანამდე, ჯამში ჩაყარეთ დაჭრილი პამიდორი, ხახვი, რეჰანი, მოაყარეთ ორეგანო, მარილი და პილპილი. კარგად მოურიეთ.
გაჭერით ნიორის კბილი შუაზე, განივად. გახუხულ პურს წაუსვით ნიორი კარგად. შემდეგ ზემოდან მოასხით სულ ცოტა ზეითუნის ზეთი. შემდეგ ზემოდან დააწყვეთ პამიდორის მასა.
თქვენი ბრუსკეტა მზადაა - ბრუსკეტა ძალიან სწრაფად მზადდება და შეგიძლიათ მიართვათ სუფრაზე, სანამ მთავარი კერძი გაკეთდება.
